O GARAXE HERMÉTICO:
PRIMEIRA ESCOLA DE BANDA DESEÑADA E ILUSTRACIÓN DE GALICIA
ABRE AS SÚAS PORTAS EN PONTEVEDRA!
E que portas: unha impresionante viñeta de Miguelanxo Prado,
nada menos!
nada menos!
O curso comezará en outubro, terá tres anos de duración e 700 horas lectivas ó ano. Con profesores da talla de Kiko Da Silva (director da escola), os irmáns Norberto e Jacobo Fernández, Fernando Iglesias e Miguel Porto, está asegurada unha formación de calidade, que sen dúbida non se impartía en Galicia.
Déixovos coas palabras de Kiko, que acaba de DEBUXARNOS un gran sorriso na cara:
"A idea é dar toda a formación necesaria para que os alumnos poidan defenderse despois, máis alá dos mercados e dos estilos. Por iso non só imos ensinar a debuxar e escribir historias, senón que aparte queremos que aprendan dereitos de autor, a diferenciar un bo dun mal contrato, técnicas de impresión, ou a tratar de xeito informático os traballos"
Aí, aí! progreso, arte, cultura.
ResponderEliminarHai talento, hai un prestixio galego que non para de medrar no sector da animación, e faltaba unha escola á altura de tanta promesa. Valente proxecto.
ResponderEliminarComo diría o actor Carlos Blanco: "Somos unha potenZia".
Fagamos que a cultura do debuxpo non se perda, para aquiles que pensan que un simple debuxo é nun anaco de papel, non, non, non é así o debuxo é ver plasmada a túa propia personalidade! a túa esencia! A arte de un mesmo mostrandoa ao exterior!
ResponderEliminarGraciñas pola reseña!!!
ResponderEliminarXa está activado o web do Garaxe: www.ogaraxehermetico.com , onde poderedes ves a escola, descargar a programación dos nosos cursos e informarvos das expos (Actualmente temos unha exposición de orixinais de Trazo de Xiz, de Miguelanxo Prado) e as Máster Class que iremos organizando con distintos autores de BD que convidamos á escola. Agardamos que vos guste e que nos fagades unha visita en breve.
Saúdos desde pontevedra,
Kiko da Silva.
Grazas a ti, Kiko! despois de visitar O Garaxe Hermético na web estamos desexando viaxar a Pontevedra!
ResponderEliminarSaúdos desde O Pedregal de Irimia.